बार्शीच्या सिल्वर जुबली हायस्कूलला आरोग्यदूत मंगेश चिवटेंची भेट
शिक्षक व शिक्षकेतर कर्मचाऱ्यांशी संवाद साधत विविध प्रश्नांचा घेतला आढावा
बार्शी | प्रतिनिधी :
पुणे विभागीय शिक्षक मतदारसंघातून निवडणूक लढविण्यास इच्छुक असलेले आरोग्यदूत मंगेश चिवटे यांनी आज बार्शी येथील सिल्वर जुबली हायस्कूलला भेट देऊन शाळेतील शिक्षक व शिक्षकेतर कर्मचाऱ्यांशी संवाद साधला.
यावेळी शिक्षकांच्या विविध सेवाविषयक, प्रशासकीय तसेच शैक्षणिक प्रश्नांची माहिती जाणून घेत त्यांचा सविस्तर आढावा घेण्यात आला. शिक्षकांच्या प्रलंबित मागण्या, वेतन, भविष्य निर्वाह निधी, मान्यता, वैयक्तिक मान्यता, अनुकंपा नियुक्ती तसेच इतर प्रश्नांबाबत यावेळी चर्चा झाली.
शिक्षकांचे प्रश्न केवळ ऐकून न घेता संबंधित विभागाच्या माध्यमातून त्यांचा पाठपुरावा करून प्रश्न मार्गी लावण्यासाठी सदैव प्रयत्नशील राहणार, अशी ग्वाही मंगेश चिवटे यांनी यावेळी दिली.
“शिक्षक हा समाज घडविणारा महत्त्वाचा घटक आहे. त्यांच्या सेवेशी संबंधित प्रश्न प्रलंबित राहणे योग्य नाही. त्यामुळे शिक्षकांनी आपले प्रश्न मोकळेपणाने मांडावेत; ते प्रश्न संबंधित विभागापर्यंत पोहोचवून त्यावर सातत्याने पाठपुरावा करणे ही आपली जबाबदारी आहे,” असे मंगेश चिवटे यांनी सांगितले.
यावेळी शाळेतील शिक्षक व शिक्षकेतर कर्मचारी मोठ्या संख्येने उपस्थित होते