महाराणा प्रताप हायस्कूल, दुधाळी येथे एकनाथ स्वाभिमानी शिक्षक सेनेच्या पदाधिकाऱ्यांची सदिच्छा भेट
कोल्हापूर | प्रतिनिधी :
पुणे विभाग शिक्षक मतदारसंघाचे इच्छुक उमेदवार मा. श्री. मंगेशजी चिवटे सर यांच्या प्रचारार्थ एकनाथ स्वाभिमानी शिक्षक सेनेच्या पदाधिकाऱ्यांनी महाराणा प्रताप हायस्कूल, दुधाळी, कोल्हापूर येथे सदिच्छा भेट देत मुख्याध्यापक श्री. राजमाने सर यांच्याशी विविध शैक्षणिक व शिक्षकांच्या प्रश्नांवर सकारात्मक संवाद साधला.
यावेळी मागील दोन वर्षांत मंगेश चिवटे सर यांनी शिक्षकांच्या विविध प्रश्नांसाठी व न्याय्य हक्कांसाठी केलेल्या उल्लेखनीय कार्याची माहिती देण्यात आली. तसेच जुनी पेन्शन योजना, टप्पावाढ, संचमान्यता, वैयक्तिक मान्यता, अनुदान तसेच शिक्षक व शिक्षकेतर कर्मचाऱ्यांच्या प्रलंबित मागण्यांसाठी शासन स्तरावर सातत्याने केलेल्या पाठपुराव्याबाबत माहिती देण्यात आली.
यावेळी मंगेश चिवटे सर यांच्या परिचय पत्रकाचे वाटप करण्यात आले. शिक्षकांच्या प्रश्नांसाठी सातत्याने कार्यरत असलेल्या ‘शिक्षकदूता’च्या भूमिकेला शिक्षकांचा सकारात्मक प्रतिसाद मिळत असून, शिक्षकहित आणि शैक्षणिक विकासासाठी सहकार्याचा विश्वास व्यक्त करण्यात आला.