सिद्धेश्वर प्रशालेत मंगेश चिवटेंची भेट; शिक्षकांच्या प्रश्नांचा घेतला आढावा
मुख्याध्यापिका जयश्री घोटे मॅडम यांच्यासह शिक्षक व शिक्षकेतर कर्मचाऱ्यांशी विविध सेवाविषयक प्रश्नांवर संवाद
सोलापूर | प्रतिनिधी :
पुणे विभागीय शिक्षक मतदारसंघातून निवडणूक लढविण्यास इच्छुक असलेले आरोग्यदूत मंगेश चिवटे यांनी आज सोलापूर येथील सिद्धेश्वर प्रशालेस भेट देऊन मुख्याध्यापिका जयश्री घोटे मॅडम तसेच शाळेतील शिक्षक व शिक्षकेतर कर्मचाऱ्यांशी संवाद साधला.
यावेळी शिक्षक व शिक्षकेतर कर्मचाऱ्यांच्या विविध सेवाविषयक तसेच प्रशासकीय प्रश्नांची माहिती जाणून घेत त्यांचा सविस्तर आढावा घेण्यात आला. वेतन, भविष्य निर्वाह निधी, अनुकंपा नियुक्ती, मान्यता, प्रलंबित प्रस्ताव तसेच शिक्षकांच्या इतर महत्त्वाच्या प्रश्नांवर यावेळी चर्चा झाली.
शिक्षकांच्या समस्या केवळ ऐकून न घेता त्या संबंधित विभागाच्या माध्यमातून मार्गी लावण्यासाठी सातत्याने पाठपुरावा करण्याची भूमिका मंगेश चिवटे यांनी यावेळी व्यक्त केली.
शिक्षक हा समाजाच्या भावी पिढीला घडविणारा महत्त्वाचा घटक असून, त्यांच्या सेवेशी संबंधित कोणताही प्रश्न प्रलंबित राहू नये, यासाठी आपण सातत्याने प्रयत्नशील राहणार असल्याचे चिवटे यांनी सांगितले.
यावेळी मुख्याध्यापिका जयश्री घोटे मॅडम, शिक्षक तसेच शिक्षकेतर कर्मचारी उपस्थित होते.