पुणे विभाग शिक्षक मतदारसंघाच्या प्रचारार्थ कोल्हापूर इन्स्टिट्यूट ऑफ टेक्नॉलॉजीच्या कॉलेज ऑफ इंजिनिअरिंगला सदिच्छा भेट
कोल्हापूर | प्रतिनिधी :
पुणे विभाग शिक्षक मतदारसंघाचे इच्छुक उमेदवार मंगेश चिवटे यांच्या प्रचारार्थ कोल्हापूर इन्स्टिट्यूट ऑफ टेक्नॉलॉजीच्या कॉलेज ऑफ इंजिनिअरिंग, कोल्हापूर येथे सदिच्छा भेट देण्यात आली. संस्थेचे अधिकृत नाव Kolhapur Institute of Technology’s College of Engineering (Autonomous), Kolhapur असे आहे.
यावेळी प्राचार्य श्री. खाडिलकर सर यांची भेट घेऊन शिक्षकांच्या विविध प्रश्नांबाबत, अडचणींबाबत तसेच शिक्षण क्षेत्रातील विविध विषयांवर सविस्तर चर्चा करण्यात आली.
यावेळी शिक्षकांच्या विविध प्रश्नांसाठी व न्याय्य हक्कांसाठी गेल्या दोन वर्षांपासून केलेल्या उल्लेखनीय कार्याची माहिती देण्यात आली. तसेच शिक्षकांच्या प्रश्नांना शासन स्तरावर सातत्याने वाचा फोडण्यासाठी आणि शिक्षण क्षेत्राच्या विकासासाठी सुरू असलेल्या कार्याची माहिती देण्यात आली.
यावेळी परिचय पत्रिकांचे वितरण करण्यात आले. शिक्षकांच्या प्रश्नांसाठी सातत्याने काम करणाऱ्या मंगेश चिवटे यांच्या कार्याला शिक्षकांकडून सकारात्मक प्रतिसाद मिळाला असून, शिक्षकांच्या प्रश्नांसाठी ते ठामपणे उभे राहतील, असा विश्वास व्यक्त करण्यात आला.